أنا بالله و بالملك

ياك أبلادي كنبغيك

و ما مقصر فيما يرضيك

وياك انا منّك و ليك

وباش من ذنب نتحوج فيك

واش نستاهل ضيق الحال

و ما ف الحالا ما نوريك

وانا بالله و بالمليك

*****

آش نعاود واش نقول

قطعو رزقي واش المعمول

هانوني وماشي معقول

و رماوني لـمصير مجهول

و حالوني من حال لحال

و عْلى حالي شكون المسؤول

واش الحق بابو مقفول

*****

مانا غير طالب لـمعاش

و حرموني وبقيت بلاش

قصدوني وماعرفت علاش

و عرفت سيدنا ما يرضاش

ومايبغي ومايعجبو حال

يشوف كََرامتي ما تسواش

ف مغرب حر قدّو قدّاش

*****

رخصو الدمعة ف عيوني

قصّو جناحي وقصّحوني

و حرموني وما رحـموني

ف سيدنا ما خابت ظنوني

و ف رحابو ما يضيق الحال

و شكون غيرو يكون ف عوني

*****

ف واجبـي مانا مقصّر

و على بلادي مانا معفّر

و من حقي ندوي ونعبّـر

الشد بالله والعز بالقصر

و يا اللي بغاني ف سوء الـحال

وحق من شاء وقدّر

بّـحروف الشعار ما نكفر

*****

الله

الوطن

الملك